جف القلم يكتب
عن حدوته وعنوان
طار عقلى يجرى
ورا دمعه انسان
رق القلب وحن
كدا كدا
عطشان
لحب يملىء القلب
تسرح وياه احلام
تطير فى سمايا
امانى
احاول احقق
احلامى
احاول اعيش
بهدوء
اقع مرات
اجى اقوم
اوقع نفسى
اجى اتوب
ابوظ توبتى
اجى احب
اعشق غيبتى
اجى هنا
او من هنا
لسه كدا تعبان
نفسى بقى ارسى
وابطل توهان
نفسى بقى اشم
غير ريحه الهذيان
نفسى بقى احس
غير _الندم_احساس
نفسى بقى ادووق
لذه الايمان
ادى جبل
ادى جمل
وادى انا انسان
اركب جمل
اطلع جبل
برضو تعيس
ولهان
والفكره ان انا
مجبور على العصيان
والشوق دا خير
بيغرق الاكوان
حد يقولى بقى
امتى ابقى انسان
حد يقولى بقى
امتى اكون انسان
ليست هناك تعليقات:
إرسال تعليق
جزاك الله خيرا